Pathian Ralthuam inbel dan

Thutakin kan nun setana beihna lakah a phuar khawm tur a ni a, Krista felna in kan thinlung (emotions) a humhim tur a ni.

• Thutak Kawnghren: Setana chu dawt pa a ni a, dawt hi thutak chauhvin a hneh thei. Kan nunah dawtin hmun a chang tur a ni lo.
• Felna Awmphaw: Awmphaw hian thinlung a veng a. Mahni felna ni lovin, Isua felna ah kan innghat tur a ni.
• Sualin thiamloh min chang pawhin, "Krista zara thiamchantir ka ni" tih hriatna in min veng ṭhin.

Indona tualzawlah nghet taka ding turin pheikhawk ṭha kan mamawh. Chu chu Chanchin Ṭha avanga Pathian nen kan remna leh chu Chanchintha hrila penchhuahna hi a ni.

• Sipai pheikhawk hnuaiah hian leia nghet taka ke pen theih nan thirzum a awm ṭhin.
• Pathian nena kan inrem tawh hriatna hian rinhlelhna leh hlauhna lakah min dinnghehtir a ni.
• Chanchin Ṭha hi midangte hnena hril turin kan inpeih reng tur a ni.

Rinna hian Setana thal alh thei zawng zawng a timit thei a. Chhandamna lukhum hian kan ngaihtuahna (mind) a veng a ni.

• Rinna Phaw: Setanan thlemna leh rinhlelhna thalin min kap ṭhin. Pathian thutiam rinchhan tlatna hi chu thal danna chu a ni.
• Chhandamna Lukhum: Hmelma beihna lian ber chu kan ngaihtuahnaah a ni a. Lukhum hian thluak a veng ṭhin.
• Chhandam ka ni tih chiang taka hriatna (Assurance) hian ngaihtuahna sual a dang ṭhin.

Ralthuam dang zawng hi invenna a nih laiin, Ngunhnam (Pathian Thu) hi chu hmelma beih letna a ni.

• Thlarau Ngunhnam: Isuan thlemna a tawh khan "Tih ziak a ni..." tiin Pathian Thu hmangin a hneh a ni.
• Ṭawngṭaina: Ralthuamte hi ṭawngṭaina nena inbel tur a ni. Ṭawngṭaina tel lo chuan ralthuam hi a nung thei lo.
• Engkimah thlarauva ṭawngṭai tur leh mi thianghlimte tana ṭawngṭaisak turin min chah a ni.