Thlarau Thianghlim

Rom 8:16 ah chuan "Thlarau ngei chuan, keimahni thlarau nên Pathian fate kan ni tih min hriattîr ṭhîn" tih kan hmu. Hei hi thil mak emaw feeling satliah nilovin, chhungril hriatna thuk tak a ni.

• Thilsual kan tih palh in hrehawm tihna leh sim duhna min nehtir (conviction) ṭhin.
• Pathian hnaih chakna leh biak chakna thinlung min pe ṭhin.
• Harsatna leh rinhlelhna karah pawh, chhandam kan ni tih thlamuanna min pe ṭhin a ni.

Mahni theihna a kan hneh theih loh sual thil te hi, Pathian puihna rinchhana kan hneh theih hian kan chhungah Thlarau Thianghlim a thawk tih a chiang a ni.

• Tisa chakna sual min dopui a, nun thianghlim min neihtir ṭhin.
• Nunhlui ṭhalo (addiction/habit) kalsan turin theihna leh chakna min pe ṭhin.
• Setana thlemna hmachhawn turin huaisenna leh Pathian thu hriatrengna min pe ṭhin.

Thingkung chu a rah ah a hriat theih ang hian, Thlarau Thianghlim hnathawh rahchhuah chu Galatia 5:22-23 a kan hmuh Thlarau rah aṭang hian a fiah ṭhin.

• Kan mizia pangngai nilo, mize ṭha zawk (hmangaihna, dawhtheihna, inngaihtlawmna) kan lo neih ṭan hian Thlarauvin hna a thawk tihna a ni.
• Mi dangte chunga ngilneihna leh zaidamna a lo piang ṭhin.
• Harsatna leh buaina karah pawh lawmna (joy), chhungrila hrihfiah theih si loh a awm tlat ṭhin.

Thlarau Thianghlim chu "Thutak Thlarau" tih a ni a. Bible hi lehkhabu satliah anga chhiar liam mai lovin, a nungin min hriatthiamtir ṭhin a ni.

• Bible chang kan chhiar in kan nunah a rawn nung chhuak (Rhema) ṭhin.
• Pathian duhzawng leh a lungawina tur thlan thiamna (discernment) min pe ṭhin.
• Thutak kawngah min hruai lutin, zirtirna diklo lakah min veng ṭhin a ni.