Sual kulhpui hneh dan

Kulhpui chu thil sakhat emaw ramhuai ni lovin, kan ngaihtuahnaa DAWT THU (lie) nghet tak awmhmun khuar hi a ni.

• "Ka hlu ve lo", "Pathianin min ngaidam lo ang", tih ang chi dawt thu rin ngheh hi a ni.
• Zawi zawiin a inṭan a, dawt thu kan rin nawn fo thinna aṭanga rawn in sa nghet a ni.
• Heng dawt thu te hian kan chezia leh thutlukna a thunun a, sualah min hruai lut ṭhin.

Kulhpui ṭhiah dawn chuan, a bulṭhut kan hriatchhuah hmasak a ngai a ni. Tisa chakna ringawt aiin, a phena ngaihtuahna diklo awm hi a pawimawh zawk.

• Kan buaina (e.g., thinrimna, lungngaihna, itna) awm chhan bul ber inzawh tur.
• Eng dawt thu nge ka lo rin (believe) tlat tih zawn chhuah a ngai.
• Thlarau Thianghlim hnena kan ngaihtuahna enfiah tura ngen a ṭha Sam 139:23.

Dawt chu dawt danga hneh theih a ni lova, THUTAK (Truth) chauhvin a hneh thei. Isuan, "Tin, thutak in hria ang a, thutak chuan bâwih a bân ang che u,” a ti a." (Johana 8:32) a ti a ni.

• Ngaihtuahna diklo i neihin, Bible-in he ngaihtuahna chungchangah eng nge a sawi tih zawn tur.
• "Tih ziak a ni..." tia Isuan Setana a chhan ang khan Pathian thutiam hman tur.
• Dawt thu chu Pathian Thutak (Bible) hmanga thlak thleng zung zung tur a ni.

2 Korinth 10:5 ah, "hnialnate leh thil sâng tinrêng Pathian hriatna dâl tûra sâng taka siamte chu ṭhiatin, ngaihtuahna tinrêng Krista thu awihna salah kan hruai a" a ti. Hei hi chawl lova nitina kan tih tur a ni.

• Ngaihtuahna ṭhalo a lo luh rualin hnawl (reject) nghal zel tur a ni.
• Thil ṭha, dik leh thianghlimah chauh kan ngaihtuahna pek tur a ni Philippi 4:8.
• Kan rilru thunun turin mahni theihna ni lovin, Thlarau Thianghlim ṭanpuina dil fo tur a ni.