Saltanna aṭanga zalenna

Hma kan sawn theih nan kan dinhmun dik tak kan pawm a ngai hmasa ber. "Zep ṭhen nei lovin sual lakah ka tang a ni" tih inpuanchhuah hi zalenna kawngkhar a ni.

• Mahni insawi thiamna leh midang puhna kalsan a, mawhphurhna lak tur.
• Pathian hmaah leh mi rintlak (mentor/pastor) hnenah inpuanchhuah ngam tur .
• Thupbo emaw zep ruk tlatna hian sual chu chakna a pe ṭhin a ni.

Tisa chakna ringawt aiin, chu sual ti tura min nawrtu chhungril na (pain, trauma, ruakna) a awm ṭhin. Chu bulṭhut chu zawn chhuah a ngai.

• Engtikah nge he thil hi ka tih chakna a zual ṭhin? (Lungngaih laiin, mal ngawih ngawiha in hriat laiin?) tih inen fiah tur.
• Kan chhungrila ruakna hi Pathian chauh lo chuan a hnawhkhat thei lo.
• Setanan he kan chaklohna hi hmanrua ah a hmang ṭhin tih hriat chian tur.

Sual hnawl ringawt a tawk lova, thil ṭhaa thlak thleng (replace) a ngai a ni. Tlanchhiatna tur hmunah chuan tlan chhiat mai tur a ni.

• Sual lama min hruai theitu thlemna lakah daidanna (boundaries) khauh tak siam tur.
• Thil ṭhalo tih chakna a lo luhin, thil dang (ṭawngṭai, exercise, hla ngaihthlak) hmanga thlakthleng tur.
• Fimkhurna hi hlauhna a ni lova, finna a ni zawk Thufingte 22:3.

Johana 15-ah Isuan, "Keimahah awm reng rawh u... keimah lovin eng mah in ti thei si lo" a ti a. Mahni chakna ngawtin saltanna (addiction) a hneh theih loh.

• Nitin Bible chhiar leh ṭawngṭaina hmanga thlarau lam tihchak a ngai.
• Hnehna chu vawilehkhata lo thleng vek nghal ni lovin, nitina hnehna hmuh chhoh zel (process) a ni thei tih pawm tur.
• I tluk palh pawhin, indawm kun lovin Isua hnenah kir leh nghal zel rawh.