Bible chhiar dan tur (A bulṭhut)

Bible kan keu hmain inpuahchahna a pawimawh hmasa ber. He lehkhabu ziaktu hi Thlarau Thianghlim a ni a, Amah lo chuan kan hrethiam tak tak thei lo.

• Chhiar ṭan hmain "Lalpa, i thu min hriatthiam tir rawh" tiin ṭawngṭai hmasa ziah rawh Sam 119:18.
• Rilru la peng thei (phone, TV) te dahṭhain, rilru pe takin chhiar ang che.
• Zir tur i nei tih hriaa inngaihtlawmna nen Pathian hmaah i thinlung hawng rawh.

Bible chang pakhat te te a lak chhuah (cherry-picking) hian ngaihdan dik loah min hruai lut thei. Thu in a chhehvel a sawi tum (Context) hriat a pawimawh.

• Tunge ziak? Tu hnenah nge a ziah? Eng hun laia ziah nge? tih hriat tum tur.
• Bung khat chhiar dawnin a hma lam bung leh a hnunglam bung chhiar tel zel a ṭha.
• A thu kalhmang leh a thawnthu tlangpui (big picture) hriat tum ṭhin rawh.

Chhiar hnem ringawt (quantity) aiin, kan thil chhiar hriatthiam leh hriatfiah (quality) a pawimawh zawk. Sam 1:2 ah chuan "A dan thu chu a chhun leh zanin a ngaihtuah ṭhin," a ti.

• Hmanhmawh lova zawi zawia chhiarin, a awmzia inzawh nawn ṭhin tur.
• I chang duh zawng tak kha nitin ngaihtuah zui (meditate) rawh.
• Chang vawn (memorize) hian harsatna kan tawh hunah theihnghilh lovin min pui ṭhin.

Jakoba 1:22 ah chuan, "Nimahsela, thu ngaithlatute mai ni lovin, zâwmtute lo ni zâwk rawh u; chuti lo chu, mahni inbum in lo ni dah ang e." a ti. Bible kan chhiar chhan chu hriatna ngawt atan ni lovin, kan nun danglam nan a ni.

• "He thu hian vawiinah engnge min zirtir?" tiin inzawt rawh.
• Sual kalsan tur a awm em? Thutiam rinchhan tur a awm em? Entawn tur ṭha a awm em?
• I thil zir chhuah chu i nitin nunah, i chhungkuah leh i hnathawhnaah hmang ṭangkai nghal rawh.