Bible study dan tur

A hmasa berah chuan, "He Bible chang hian eng nge a sawi?" tih kan hmuh thiam a ngai. Hei hi hrilhfiahna nilovin, a thu hmuhfiah hi a ni.

• Tunge, Enge, Khawiah nge, Engtikah nge, Engvang nge, Engtin nge tihte hmangin zawhna siam ṭhin rawh.
• Thumal hman nawn (repeated words) leh khaikhinna (comparisons) awmte chhinchhiah ṭhin tur.
• A chhehvel thu (context) nen uluk taka en kawp a pawimawh hle.

Thil awmdan i hmuh hnuah, "He thu hian enge awmzia nge a neih?" tih zawn chhuah a ngai. A hmasa berin, a ziaktuin a tir a chhiartute hnena a sawi tum tak kha kan zawnchhuah a ngai a ni.

• Bible chang pakhat Bible hmundanga a hrilhfiah lehna (Cross-references) hman ṭangkai tur.
• Khuarel thil (historical/cultural background) hriat theih nan Commentary emaw Bible Dictionary hman a ṭha.
• Thu an hman dan phung (literal, metaphor, poetry) hriat thiam a pawimawh.

Hriatna ngawt hian chapona a thlen thei a, thlarau lam puitlinna chu thutak kan nuna, a taka hmanchhuah aṭangin a lo thleng ṭhin. "He thutak hi vawiin atan engtin nge ka hman ang?" tiin inzawt rawh.

• Thutiam rin tur a awm em? Thil sual sim tur a awm em?
• Nungchang entawn tur ṭha emaw nundan atana hlauhthawn awm a awm em?
• I thil zir chu i mimal nuna tihhlawhtlin theih turin Action Plan siam rawh.

Mahni ngawta hriatthiam a har ṭhin avangin Pathianin finna a pek mi thiamte kutchhuak hman ṭangkai thiam a pawimawh.

• Bible lehlin hrang hrang (Mizo(OV 'Re-edited' Bible/CL Bible), KJV, NIV, ESV) khaikhin ṭhin a ṭha.
• Concordance hmangin thumal pakhat, Bible chang danga an hmandan a zawn chhuah theih a ni.
• Bible App ṭha (e.g., YouVersion, OpenBible) te hman thiam a pawimawh.