Thlarau hruaia awm dan

Thlarau Thianghlimin min hruai dan langsar ber leh rintlak ber chu Pathian Thu (Bible) kaltlangin a ni. Thlarau chuan Bible kalhin min hruai ngai lo.

• I thutlukna siam tur kha Bible zirtirna nen a inmil em tih en hmasa ṭhin rawh.
• Bible i chhiar laiin chang pakhatah i mit a fu tlat emaw, i thinlunga a rawn nung a nih chuan, chu chu Thlarau min biakna a ni fo.
• Thlarau aw nia i hriat reng reng chu Pathian thu nen fiah (verify) fo tur a ni.

Kolossa 3:15-ah "Tin, Krista thlamuanna chuan in thinlungah ro rêl rawh se," a ti. Thlarauvin min hruaiin chhungrilah thlamuanna a awm ṭhin.

• Thil ṭha tak anga lang, i tih dawn a i chhungril tawt emaw nuam lo i tih tlat chuan, Thlarau khapna a ni thei.
• Harsatna leh buaina karah pawh Pathian hruaina a nih chuan, hrilhfiah theih si loh thlamuanna a awm ṭhin.
• Thutlukna hmanhmawhthlak ah pawh, thlamuanna i neih hma chu nghak ṭhin rawh.

Thlarau Thianghlim chuan ri lova min bia in, kan ngaihtuahna leh thinlungah hriattirna thuk tak (conviction) min pe ṭhin.

• Ṭawngṭaia Pathian i pawl laiin ruahmanna thar emaw, mi tuemaw puih duhna thinlung i lo nei thut ṭhin em? Hei hi Thlarau hruaina a ni thei.
• Sual thil i tih dawnin i chhungrilah khap tu leh inthiamlohna lian tak i nei ṭhin a ni.
• He chhungril aw zawi te (still small voice) hi hriat theih nan bengchheng laka awm hran (silence) a ṭul fo.

Pathian chuan kan thil tawn mekah (circumstances) hian ringtu puitling dangte hmangin min hruai ṭhin.

• Thufingte 11:14-ah "Inhruaina fing awm lohnaah chuan mite an tlu ṭhîn a, Remruat thiam tamnaah himna a awm." a ti.
• I buaina leh thutlukna siam turah khan Pathian ṭih mi (pastor, mentor) te rawn (counsel) nachang hria ang che.
• Pathianin a chang chuan kawng min hawnsak a, a changin min kharsak ṭhin tih hriata a hruaina pawm thiam tur a ni.