Mimal rawngbawlna

Kan ṭawngkam aiin kan nundan leh chezia hi miin an hmu lian zawk fo. Kan nitin nundan (Lifestyle Evangelism) hi rawngbawlna nung a ni tur a ni.

• Rinawmna leh dikna (Integrity) vawn tlat hi chanchin ṭha puan chhuahna ropui tak a ni.
• Midangte chunga ngilneih leh zaidam, midangte puih.
• Kan hna engpawh Pathian tana thawk ang hrimin, phur tak leh fel takin thawk ila.

Khawiah mah chhuak lo pawhin kan pindan chhung aṭangin khawvel pum huap rawngbawlna kan thawk thei a, chu chu midangte tana ṭawngṭaisak hi a ni.

• Damlo te, ram hruaitu leh rawngbawltute hminglama dilsak.
• Thlarau bo (chhanchhuah ngai) te chhanchhuan an nih theih nana Pathian hnena dil.
• Midang aiawha tawngtainaIntercession (Mithualna) hi rawngbawlna hlu ber leh pawimawh ber pakhat a ni.

Pathianin mi tinte hnenah theihna (talents) leh thlarau thilpek (spiritual gifts) min pe ṭheuh a. Hengte hi up bo mai lova, Amah chawimawi nana hman tur a ni.

• Zai thiam, ziakmi, thil siam thiam emaw sum thiamna te pawh hi Pathian tan hman theih vek a ni.
• Mahni theihna hriatchian a, chu chu Kohhran leh khawtlang tana malsawmna ni tura hlan.
• Midangte nena in khaikhin lova, Pathianin a pek chin che ah lawmchunga rawngbawl.

Isuan kan nuna thil ṭha a tihte midangte hnena hrilhchhawn (Personal Witnessing) hi kan mawhphurhna a ni a, tu pawhin kan thei a ni.

• I ṭhiante leh i kianga awmte hnenah Isua chanchin leh hmangaihna hrilh ngam rawh.
• Thusawi thiam (preach) kher a ngai lo, i nun a inthlak danglam dan kha hrilh mai rawh.
• Midangte nuna Pathian hmangaihna lantir hi thu hril hna pawimawh tak a ni.